Nā hana kupanaha a 'Āleka ma ka 'Āina kamaha'o: alice's adventures in wonderland in hawaiian - lewis carroll

ʻO Lewis Carroll ka inoa kākau puke o Charles Lutwidge Dodgson (1832-1898), he mea kākau puke ʻo ia ma ke ʻano hoʻopohihihi ʻōlelo a he loea makemakika pū ʻo ia ma Christ Church ma ke Kulanui o Oxford ma ʻEnelani.

He hoa kamaʻāina ʻo ia no ka ʻohana Liddell: Ua nui nā keiki a Henry Liddell, a ʻo ia ke Poʻo o ke Kulanui.

He hahaʻi moʻolelo ka hana a Carroll i ke kaikamahine ʻōpiopio loa, ʻo Alice (hānau ʻia i ka 1852), a me kona mau kaikuaʻana ʻelua, ʻo Lorina lāua ʻo Edith.

I kekahi lā-ʻo ia ka lā 4 o Iulai 1862-ua hele aku ʻo Carroll, kona hoaloha, ʻo ke Kahu, ʻo Robinson Duckworth, a me nā kaikāmahine ʻekolu i ka huakaʻi hoehoe waʻapā no ka pāʻina awakea ma kapa muliwai.

Ma kēia huakaʻi ma ka muliwai, ua hahaʻi aku ʻo Carroll i kekahi moʻolelo no kekahi kaikamahine, ʻo Alice kona inoa, a me kāna mau hana kupanaha i lalo o kekahi lua lāpaki.

Ua noi aku ʻo Alice iā ia e kākau i ia moʻolelo nāna, a i ke au ʻana o ka manawa, ua paʻa ka mana hoʻāʻo mua o ka moʻolelo.

Ma hope o ke kākau hou ʻana, ua puka akula ka puke ma ka 1865, a mai ia manawa mai, ua puka nā mana like ʻole o Alices Adventures in Wonderland ma nā ʻōlelo like ʻole he nui.

Ma ke kenekulia ʻumi kumamāiwa, ua paʻi ʻia nā moʻolelo he nui o nā ʻāina ʻē ma ka ʻōlelo Hawaiʻi, e like me Iwakālua Tausani Legue ma Lalo o ka Moana a me ʻIvanahō.

He moʻolelo ʻo ʻĀleka no ke kenekulia ʻumi kumamāiwa, akā naʻe, ʻaʻole kēia kekahi o nā moʻolelo o nā ʻāina ʻē i unuhi ʻia ma ka ʻōlelo Hawaiʻi i ia au.

Ma nā unuhi ʻana o ke kenekulia ʻumi kumamāiwa, aʻo ʻia ka poʻe heluhelu ʻōlelo Hawaiʻi i nā mea he nui hewahewa o nā ʻāina like ʻole-ʻo nā holoholona i loaʻa ʻole ma ka pae ʻāina ʻo Hawaiʻi, nā ʻano nohona kānaka like ʻole, a me nā ʻōlelo ʻē like ʻole kekahi.

-- Lewis Carroll is the pen-name of Char.